14 лютага адзначаецца Дзень усіх закаханых. Можна ігнараваць і з нецярпеннем яго чакаць, падбіраць святочны плэй-ліст і ўсчыніць суцэльны офлайн, мітусіцца ў гандлёвых цэнтрах у пошуках падарункаў і абмяраць бакамі канапу, шукаць па самай цукровай назве прыдатную меладраму для сумеснага прагляду і ўзяцца да фільматэку Хічкока ці Ларса фон Трыера.
Мы прапануем адшчыкнуць кавалачак непрадказальнасці і ашчаджаць яго на далейшы год. Музей Якуба Коласа з 7 па 14 лютага запускае online–акцыю “Закаханыя ў Коласа”. Усё проста: зрабі сэлфі з ключавымі прадметамі і фотаздымкамі Якуба Коласа і яго жонкі Марыі Дзмітрыеўны ў музеі, запосці ў сацыяльныя сеткі (instagram, vk) з адмысловым хэштэгам #loveinkolasmuseum. Тым больш менавіта ў 2018 годзе адзначаецца 105-годдзе шлюбу Якуба Коласа і яго музы. Рандомным чынам мы выберам шчасліўцаў, якія атрымаюць квіткі ў Беларускі дзяржаўны акадэмічны музычны тэатр, Нацыянальны Акадэмічны драматычны тэатр імя М. Горкага, кінатэатр “Silver Screen”.
А вечарам 14 лютага а 18 гадзіне падхопліваем кінамарафон і глядзім “Форэст Гамп” ў беларускай агучцы. У жыцці ўсё можа цалкам змяніцца ў адну хвіліну, таму трэба быць гатовым да ўсяго. Сусветна вядомыя кіназоркі Том Хэнкс, Робін Райт, Саллі Філд дапамогуць трошкі падумаць і парэфлексіраваць усім у гэты дзень.
Кошт за ўдзел ва онлайн-акцыі “Закаханыя ў Коласа”– уваходны білет у музей.
Кошт за ўдзел у кінамарафоне – уваходны білет у музей.
Сардэчна запрашаем!
Адрас музея: г. Мінск, вул. Акадэмічная, 5.
Тэл. 284 -17- 02
Афіцыйны сайт: www.yakubkolas.by
