30 чэрвеня рэжысёрка Ірына Брэль запрашае на прэм’еру свайго фільма «Абноўка».
Дата: 30 чэрвеня
Час: 19.00
Месца: VOKA CINEMA by Silver Screen, Dana Mall, вул. Пятра Мсціслаўца, 11, Мінск
Яшчэ ёсць месцы на прэм’ерны паказ а 19-й, на якім гасцей чакае келіх ігрыстага і вітальнае слова ад спадарыні Ірыны.
Але не перажывайце, калі не патрапіце на прэм’еру: фільм будзе ісці ў кінатэатры VOKA CINEMA да серады 6 ліпеня.
«Абноўка» — гэта гісторыя любові сына да маці, якая спрабуе справіцца з алкагольнай залежнасцю і вярнуцца да нармальнага жыцця, знайсці працу, парваць з мінулым, быць разам з сынам.
Лёс падае хлопчыку нечаканы паварот. Два тыдні ў зачыненай кватэры, без сродкаў да існавання, без надзеі, зусім адзін. Ці зможа ён выжыць?
Фільм заснаваны на рэальных падзеях, што адбыліся ў адным з беларускіх гарадоў больш за 12 гадоў таму.
Квіткі набывайце ў кінатэатры Silver Screen.
