Прэзентацыя часопіса Паміж № 10
10.10.2012
18:30 - 20:00
ДК “Ля мора” (вул. Шчорса, 7а)
Бясплатнае
Дзясятага кастрычніка ― дзясяты “Паміж”
Выпускнікі літаратурна-філасофскага аддзялення Беларускага калегіюма шчыра запрашаюць усіх, хто мае хаця б адну пару цёплых шкарпэтак, на прэзентацыю часопіса “Паміж” № 10.
У прэзентацыі возьмуць удзел:
Кірыл Стаселька, Марына Весялуха, Цімур Хоміч, Ліна Мядзведзева, Анка Упала, Маргарыта Аляшкевіч, запрошаныя госці, а таксама кіраўнікі калегіюма Валянцін Акудовіч і Алесь Анціпенка.
Нумар склалі аўтарскія творы выхаванцаў калегіюма, творы сусветнай літаратуры ў іх перакладах, а таксама гутаркі.
У “Паміжы” № 10 вы знойдзеце адказы на самыя пільныя пытанні:
Што пісаў Эразм Дарвін пра анатомію кракадзілаў;
Як гучыць Платон па-беларуску;
Ёсць у беларускай літаратуры болевыя кропкі ці ўжо ўсё адбалела…
Напрыканцы нумара вас чакае пісьменніцкая апытанка, з якой вы даведаецеся, напрыклад, пра тое, ці дапамагае ў літаратурнай творчасці ўжыванне якіх-небудзь рэчываў. На гэта і іншыя пытанні з усёй магчымай шчырасцю адказалі: Сяргей Балахонаў, Зміцер Вішнёў, Марыя Мартысевіч, Вальжына Морт, Яраслаў Рудзіш, Ульф Старк, Дзмітры Строцаў, Вольга Такарчук і Хенрык Хоўланд.
Імпрэза пройдзе 10 кастрычніка ў 18.30 ў ДК “Ля мора” па адрасе 2-я вуліца Шчорса, 7а.
У “Ля моры” можна і трэба пачувацца разняволена, бо сядзяць там проста на падлозе і ходзяць у шкарпэтках. Маеце шкарпэткі? Прыходзьце на прэзентацыю! Маеце некалькі пар? Бярыце з сабой сяброў.
ТУТ можна паглядзець, як даехаць да месца.
Кантактны тэлефон для тых, хто заблукаў: +375 33 3326468.
