Прэзентацыя кнігі Дзмітрыя Матвейчыка “Паўстанне 1863-1864 гадоў у Беларусі: нарыс баявых дзеянняў”
Пачатак: 07.10 (17:00)Канец: 07.10 (19:00)
Абласная навуковая бібліятэка імя Карскага
7-га кастрычніка ў Гарадзенскай Абласной навуковай бібліятэцы імя Карскага адбудзецца прэзентацыя чарговай кнігі вайскова-гістарычнай серыі “Беларусь у войнах”. Ёй сталася праца Дзмітрыя Матвейчыка “Паўстанне 1863-1864 гадоў у Беларусі: нарыс баявых дзеянняў”.У сваёй кнізе аўтар асноўную ўвагу звяртае на вайсковы аспект падзеяў. У навукова-папулярнай форме апісваюцца фармаванне паўстанцкіх арганізацый, баявыя дзеянні паўстанцкіх атрадаў і мерапрыемствы расійскіх уладаў па падаўленні паўстання і рэпрэсіі супраць яго ўдзельнікаў. Аўтар,беларускі гісторык –архівіст, закранае амаль не даследаваныя бакі гэтых падзеяў. Нарыс баявых дзеянняў, пры пэўнай вузкаспецыяльнай скіраванасці, выкліча цікавасць у шырокага кола аматараў гісторыі. Акрамя аўтара ўдзел у прэзентацыі возьме рэдактар серыі, навуковец Мікола Плавінскі. Падчас імпрэзы будзе праведзена віктарына з цікавымі прызамі ад кампаніі “Будзьма беларусамі!”
Імпрэза адбудзецца ў 17.00 па адрасе вул. Замкавая, 20
