Прэзентацыя кнігі-каталога “Радуюс нуля”
Пачатак: 10.04 (19:00)LOFT
Запрашаем вас на прэзентацыю кнігі-каталога
РАДЫУС НУЛЯ. АНТАЛОГІЯ АРТ-НУЛЯВЫХ. МІНСК 2000–2010 Пад. рэд. А. Жгіроўскай, В. Шпарагі, Р. Вашкевіча – Мінск: І.П. Логвінаў, 2013. – 532 с. (Серыя “Новая Еўропа”).
Прэзентацыя стартуе 10 красавіка 2013 г. а 19-й гадзіне
ў LOFT-кафэ па адрасе: П. Броўкі, 22.
У кнізе-каталогу сабраныя рэзультаты калектыўнага, міждысцыплінарнага даследавання сучаснага беларускага мастацтва першага дзесяцігоддзя ХХІ ст. (звязаныя ў першую чаргу з Мінскам). Гэта тэарэтычныя і публіцыстычныя тэксты, прысвечаныя розным аспектам сучаснага мастацтва ў нашай краіне – ад арганізацыі галерэйнай прасторы, афіцыйнага дыскурсу сучаснага мастацтва, паблік-арту, праблемаў “жаночага” ў мастацтве, творчасці беларускіх мастакоў за межамі нашай краіны, генезісу фатаграфічных суполак да аналізу некаторых арт-праектаў. У кнізе вы таксама знойдзеце фота- і тэкстуальныя матэрыялы экспазіцыі “Радыус нуля”, якая праходзіла з 29 лютага да 10 сакавіка 2012 г. у цэху завода “Гарызонт” у Мінску, і кароткую інфармацыю пра ўсіх мастакоў, якія былі адабраныя экспертамі праекту ў якасці рэпрэзентантаў “нулявога” дзесяцігоддзя.
У прэзентацыі возьмуць удзел куратары, аўтары і мастакі – удзельнікі праекта.
Уваход вольны.
Чакаем усіх зацікаўленых!
