27 лютага ў Варшаве арт-праект «Revolution», прысвечаны беларускім пратэстам, прадставіць новы кароткаметражны фільм пра забастоўку беларускіх працоўных.
Дата: 27 лютага
Час: 20.00 (час мясцовы)
Месца: HOS GALLERY, ul. Dzielna 5, Варшава
Перамога рабочага руху ў Беларусі — гэта самападман ці яшчэ ёсць шанец на гэта?
У жніўні 2020 года мы былі рады бачыць маршыруючых рабочых, захапляючыся іх мужнасцю і салідарнасцю. Праз паўтара года ўжо цяжка ўявіць падобныя падзеі на вуліцах беларускіх гарадоў, і рабочыя зноў сталі разглядацца як сацыяльная група, якой можна было лёгка маніпуляваць.
Гледачы пагрузяцца ў свядомасць рабочага і адкажуць на галоўнае пытанне — чаму страйк праваліўся?
Аўтаркі праекта выступаюць за глядацкую свабоду і нагадваюць, што прыходзіць можна ў любы час з 20.00 да 22.00.
Арганізатары просяць паказваць covid-пашпарты і насіць маскі ў прасторы галерэі.
