29 траўня Цэнтр беларускай культуры ў Беластоку запрашае на прэзентацыю кнігі Ганны Кандрацюк «Проста з любові. Рэпарцёрскія партрэты памяці».
Кніга ўтрымлівае сем партрэтаў незвычайных асобаў: Кастуся Каліноўскага, Ежы Папялушкі, святой Марыі (Петручук), Алеся Пушкіна, Юркі Гіля, Надзеі Артымовіч і Юры Гумянюка.
Ганна Кандрацюк — беларуская пісьменніца з Падляшша. Аўтарка кнігі пра забытага кампазітара і піаніста з Саколкі Яна Тарасевіча — «W stronę Tarasiewicza», а таксама зборніка апавяданняў «Царская трызна», кнігі на польскай мове «Białoruś. Miłość i marazm». У 2017 годзе выйшла кніга «Па Прыпяці па Нобель». У 2023 годзе за кнігу «У прысценку старога лесу. Гісторыі людзей з Белавежскай пушчы» атрымала беларускую літаратурную прэмію імя Гедройця.
Уваход вольны.