Прэзентацыя рамана Аляксандра Чарнухі «Свінні» ў Вільні
Пачатак: 15.06 (19:00)Канец: 15.06 (20:00)
бар «Pahonia»
15 чэрвеня ў бары «Pahonia» беларускі журналіст Аляксандр Чарнуха прэзентуе сваю кнігу «Свінні».
Дата: 15 чэрвеня
Час: 19.00 (час мясцовы)
Месца: бар «Pahonia», Gedimino pr. 27, Вільня
«Свінні» — дэбютны раман аўтара, які ён пачаў пісаць у кастрычніку 2020 года, калі здавалася, быццам вось-вось з’явіцца вольнае паветра, а скончыў у красавіку 2021 года, калі паветра ў Беларусі не засталося зусім.
Гэты раман — несусветная гісторыя аднаго выдуманага райцэнтра ў неіснуючай дзяржаве. Чытач хутка разбярэцца ў сістэме каардынат і прыдумае прыдатную назву для гэтай краіны.
Усе гэтыя выявы даведзены да абсурду, але пры гэтым захоўваюць сувязь з рэальнасцю: апісаныя ў кнізе падзеі, дыялогі і ўчынкі маглі б адбыцца насамрэч. І, магчыма, сапраўды адбываліся.
На прэзентацыі можна будзе паслухаць урывак з рамана, задаць пытанні аўтару, а таксама набыць кнігу. Кошт кнігі 10 еўра.
Уваход вольны.
