29 студзеня ў Беларускім хабе ў Кіеве прэзентуюць настольную гульню «Веру — НеВеру», якая дапамагае асэнсаваць дыскрымінацыю ў Беларусі.

---

Дата: 29 студзеня

Час: 13.00 (час мясцовы)

Месца: Беларускі хаб, вул. В. Дубініна, 2, Кіеў

Гульня «Веру — НеВеру» уяўляе сабой набор з 50 картак з рознымі статыстычнымі фактамі пра Беларусь і нашае грамадства; некаторыя з гэтых фактаў з’яўляюцца праўдай, некаторыя — не. Пад час гульні ўдзельнікі абмяркоўваюць, якія з агучаных фактаў праўдзівыя, а тады даюць адказ: «веру» або «не веру». Пасля гэтага агучваюцца сапраўдныя лічбы.

Прыходзьце абмяркоўваць дыскрымінацыю гуляючы.

Калі ласка, зарэгіструйцеся па спасылцы да канца дня 28 студзеня, каб арганізатары ведалі, колькі гульцоў чакаць і які фармат гульні абіраць.