Прэзентацыя анталогіі беларускай жаночай паэзіі “Бліскавіцы” ў Бараўлянах
Пачатак: 25.11 (12:00)Канец: 25.11 (12:00)
Цэнтр “ЭкоЖизнь”
25 лістапада ў Бараўлянах адбудзецца прэзентацыя анталогіі беларускай жаночай паэзіі міжваеннага перыяду “Бліскавіцы”. Пад адной вокладкай гэтага ўнікальнага выдання ўпершыню змешчаны разам творы 61 беларускай паэткі, напісаныя ў “міжваенны” перыяд – з 1918 па 1941 гг., што стварае панараму літаратурнага жыцця эпохі. У кнігу ўвайшлі творы і хрэстаматыйныя, і малавядомыя, і нават ніколі не публікаваныя раней.
У імпрэзе возьмуць удзел укладальнікі анталогіі Аксана Данільчык і Віктар Жыбуль – паэты, літаратуразнаўцы, кандыдаты філалагічных навук. Музычную частку мерапрыемства прадставіць эксперыментальны фолк-блюзавы гурт “Балцкі Субстрат”, які выканае песні на словы паэтаў таго самага міжваеннага перыяду.
25 лістапада а 12-й
Цэнтр “ЭкоЖизнь” (Бараўляны, вул. 40 год Перамогі, 34). Прыпынак грамадскага транспарту “Бараўляны-6”
Уваход – вольны.
Фота: bookstore.lohvinau.by
