Прэзентацыя беларускага фэнтэзі “Сем камянёў”

18.06.2015 19:00 - 21:00 IMAGURU ((вул. Фабрыцыуса, 4) Бясплатнае

Прыгодніцкі раман Аляксея Шэіна будзе прэзентаваны ў Мінску ў чацвер, 18 чэрвеня, у 19.00 у клубе IMAGURU (вул. Фабрыцыуса, 4). Вечарына пройдзе ў межах кампаніі “Будзьма беларусамі!”.

Кніга, якую называюць першым беларускім “высокім” фэнтэзі, расказвае пра хлопца Яся, што апынуўся ў дзівоснай краіне Эферыі. Ён спрабуе разгадаць схаваную ў вяках загадку сямі крышталёў, каб выратаваць жыццё сваёй сяброўцы і вызваліць Эферыю ад прыгнёту злога самазванца.

Паводле словаў літаратурнага крытыка Ганны Янкута, “гэта раман пра цуды, якія, хоць і здараюцца ў дзівосным свеце, закліканыя падкрэсліць, што ў цудзе няма нічога надзвычайнага. А яшчэ – пра прыгоды, перажыць якія таемна марыць ці не кожны захоплены чытач. Падазраю, што ад узросту гэта не залежыць”.

“Раман вельмі цікавы, – гаворыць літаратурны аглядальнік партала velvet.by Ганна Севярынец. – Неспрактыкаваны чытач знойдзе ў ім асаблівы свет, захапляльны сюжэт і цікавых герояў, спрактыкаваны выявіць глыбокую хрысціянскую падаплёку. Сем частак рамана, сем цудоўных камянёў, сем дзён стварэння свету, персанажы, у якіх так раптоўна адгадваюцца героі, вядомыя нам з зусім іншых гісторыяў… Па-мойму, у беларускай літаратуры нічога такога пакуль яшчэ не было. Зусім. І вось з’яўляецца”.

У рамках прэзентацыі адбудзецца таксама аўтограф-сессія, падчас якой можна будзе набыць кнігу па спецыяльнай цане.

Вядоўца прэзентацыі – акторка Ганна Хітрык. З музычным суправаджэннем выступіць Кацярына Ваданосава (вядомая па гурце Alta Mente). Разам з калегамі-музыкамі яны граюць беларускую фэнтэзі-музыку. Удзельнікаў чакаюць таксама віктарыны, конкурсы і розыгрышы прызоў!

З тэкстам рамана можна пазнаёміцца тут:

http://shein.by/

“Сем камянёў” у сацсетках:

https://www.facebook.com/SiemKamianiou

https://vk.com/siemkamianiou

 

 


Вам можа быць цікава

Выстава Эдуарда Кавальца «Эд. Насельнікі раю» ў Мінску

01.08.2025 19:00 - 30.09.2025 19:00 музей-майстэрня Заіра Азгура (вул. Азгура, 8)

Выстава «Літаратурны мапінг Вільні і Менска» ў Вільні

01.09.2025 18:30 - 07.09.2025 19:00 Віленскі беларускі музей імя Івана Луцкевіча (Vilniaus, 20)

Беларускія танцы ў Гданьску

02.09.2025 (19:00 - 22:00) PASZCZA LWA (ul. Kwietna, 39)

Спартыўны турнір у Грасэта

05.09.2025 12:00 - 06.09.2025 18:00 ------------

Апошняе
на Budzma.org

чытаць яшчэ