Прэзентацыя кнігі Ярылы Пшанічнага “Атамная лучына” (16+)

06.10.2017 19:00 - 19:00 Мемарыяльны музей-майстэрня З.І. Азгура (вул. Азгура, 8) Уваход вольны

6 кастрычніка, 19:00; Мемарыяльны музей-майстэрня З.І. Азгура (вул. Азгура, 8)

Прэзентацыя кнігі Ярылы Пшанічнага “Атамная лучына” (16+)

Выстава малюнкаў Вовы Банько “Далікатэсы”

 

Уладзімір Банько (1.11.1973 — 19.04.2015) – адзін з яркіх прадстаўнікоў беларускага паэтычнага, музычнага і мастацкага андэграўнду, завадатар і ўдзельнік мноства музычных і перформансных праектаў самага рознага кшталту. Адзін з пачынальнікаў беларускага індастрыэла. Найбольшую вядомасць набыў дзякуючы сваёй бескампрамісна эксперыментальнай электроннай музыцы (праект “Roomdark”).

Ярыла Пшанічны — ягонае літаратурнае альтэр-эга. Асноўнай працоўнай мовай сваёй творчасці гэты аўтар зрабіў “трасянку” — з’яву, якаяя знаходзіцца па-за межамі літаратурнай нормы. Сатырычныя, іранічныя і неа-сацартаўскія вершы сталі асновай кнігі “Пішчавыя лішкі” (2011) – унікальнай з’явы ў кантэксце сучаснай беларускай літаратуры.

“Атамная лучына” — другая, пасмяротная кніга Ярылы Пшанічнага, аздобленая графічнымі працамі аўтара і фотаздымкамі. Назву кнізе дала аднайменная паэма, над якой Ярыла Пшанічны працаваў на працягу 2010–2011 гг. Гэта сатырычны водгук паэта на экалагічныя праблемы сучаснасці, стылізаваная пад фальклор і фантастыку гісторыя пра тое, як “Янка марыў стаць атамшчыкам. Яго абразіў Нячысьцік Д’ябла, каб скрасці вялікі беларускі сакрэт, накіраваў у будучыню і ажаніў”.

Акрамя літаратурных твораў, кніга дазваляе спасцігнуць і іншае аўтарскае вымярэнне Вовы Банько – яго тонкія і далікатныя графічныя работы. Менавіта яны будуць дэманстравацца на пад час імпрэзы.

На імпрэзе выступяць тыя музыканты і літаратары, з якімі найбольш супрацоўнічаў і сябраваў Вова:

БАРАДАТЫ ГРЫНВІЧ

КНЯЗЬ МЫШКІН

BUBEN & Nasta Labada

AORTHA

KRITCHEV vs. BAN

GOLOVA

EVGENI ROGOZIN

Сяргей Сыс

Ілля Сін

Зміцер Вішнёў

Віктар Жыбуль.

 

6 кастрычніка

19:00

Уваход вольны

Кантакты:

ДУ «Мемарыяльны музей-майстэрня З.І. Азгура»

вул. Азгура, 8

інфа тэл.: +375–17–380 06 32

azgur.by

 


Вам можа быць цікава

Выстава «Сям’я як выбар» у Познані

04.07.2025 18:00 - 15.07.2025 20:00 GRAY MANDORLA STUDIO (Mostowa 5/12)

Выстава «ЛЕ КАРБЮЗЬЕ: мінскае рэха» ў Мінску

11.07.2025 11:00 - 15.09.2025 19:00 галерэя Савіцкага (пл. Свабоды, 15)

«Irdorath» у Брне

19.07.2025 (18:00 - 21:00) Letní kino Špilberk (Špilberk 210/1)

Апошняе
на Budzma.org

чытаць яшчэ