Прэзентацыя нашумелага рамана Віктара Марціновіча ў Мінску
Пачатак: 02.11 (19:00)Канец: 02.11 (19:00)
Falcon Club Буцік Кіно
Кампанія “Будзьма беларусамі!” запрашае на прэзентацыю нашумелага рамана беларускага пісьменніка, публіцыста, мастацтвазнаўцы Віктара Марціновіча “Ноч”, якая адбудзецца ў Мінску 2 лістапада ў “Falcon Club Буцік Кіно”, які з’яўляецца партнёрам мерапрыемства.
“Ноч” зусім нядаўна пабачыла свет, але ўжо займела шырокі рэзананс: сотні чытачоў на аўтограф-сесіі, супярэчлівыя рэцэнзіі ад крытыкаў, бурнае абмеркаванне твора ў сацыяльных сетках. Далёка не кожны беларускі аўтар можна пахваліцца такой цікавасцю да сябе і сваіх кніг.
Чарга па новы раман Віктара Маціновіча (фота)
“Ноч” – шосты раман пісьменніка. У ім – фантастычны свет: вечная ноч, вечны лістапад і вечнае “каляналя”. Гэта кніга пра адчуванне неспакою, небяспекі і няўтульнасці, яна пра фэйкавыя навіны і “зямны блін”, але найперш гэта кніга пра Героя, які праходзіць праз нечалавечыя выпрабаванні і імкнецца пры гэтым застацца Чалавекам.
“Ноч” Віктара Марціновіча ўжо ў продажы! Дзе набыць?
Прэзентацыя “Ночы” – выдатная магчымасць не толькі паслухаць аўтара, але і атрымаць адказы нават на самыя смелыя пытанні
Чакаем вас 2 лістапада, “Falcon Club Буцік Кіно” (пр-т Пераможцаў, 20; Заля N3)
Вядоўца — Усевалад Сцебурака
19.00
Уваход вольны
