Прэзентацыя трэцяй часткі “Менскай трылогіі” Сяргея Пясецкага
09.02.2019
16:00 - 18:00
БелЭкспа, Мінская кніжная выстава (праспект Пераможцаў, 14)
Уваход вольны
Польскі Інстытут у Мінску, Інстытут кнігі і Пасольства Рэспублікі Польшча ў Мінску сардэчна запрашаюць на Польскі стэнд на Міжнароднай кніжнай выставе-кірмашы, якая пройдзе 6-10 лютага 2019 года ў выставачным цэнтры “Белэкспа” (пр-т Пераможцаў, 14).
На стэндзе будуць прадстаўлены навінкі і бестселеры ўсіх жанраў літаратуры: мастацкай, дакументальнай, папулярна-навуковай і навуковай, а таксама даведнікі, падручнікі, альбомы і коміксы. Асартымент складаецца з мноства пазіцый розных польскіх выдавецтваў і скіраваны да ўсіх узростаў: дзяцей, моладзі і дарослых, да тых, хто вывучае польскую мову і да тых, для каго польская мова ўжо не з’яўляецца праблемай. Большасць выданняў будзе прадстаўлена на польскай мове, але публікацыі на беларускай і рускай мовах таксама зоймуць свае пачэсныя месцы. Шырокай аўдыторыі будуць прадстаўлены кнігі, выдадзеныя пры падтрымцы Польскага Інстытута, і цікавыя экзэмпляры са збораў Бібліятэкі Польскага Інстытута.
ПРАГРАМА МЕРАПРЫЕМСТВАЎ НА ПОЛЬСКІМ СТЭНДЗЕ
7 лютага, чацвер, 17:30-18:30
Прэзентацыя альбома “ЧЭСЛАЎ НЕМЭН”, выдадзенага з нагоды 80-годдзя з дня нараджэння знакамітага спевака. Сустрэча з аўтарамі – сцэнарысткай і журналісткай Верай Савінай і графікам, фатографам Віталём Раковічам.
8 лютага, пятніца, 17: 30-18: 30
Прэзентацыя кнігі Аляксандра Васілеўскага “СТАРОНКІ ГІСТОРЫІ ПОЛЬСКАЙ ДЫПЛАМАТЫЧНАЙ СЛУЖБЫ 1918-1939. ЭКАНАМІЧНАЯ ДЫПЛАМАТЫЯ” з удзелам аўтара. Мадэратар – кандыдат гістарычных навук Анатоль Вялікі.
9 лютага, субота, 16: 00-18: 00
Прэзентацыя трэцяй часткі “Менскай трылогіі” выбітнага польска-беларускага празаіка Сяргея Пясецкага “НІХТО ДАБРОМ НЕ ДАСЦЬ ЗБАЎЛЕННЯ” ў перакладзе на беларускую мову. У прэзентацыі прымуць удзел: Эва Тамашэвіч – унучка Сяргея Пясецкага, даследчыца яго творчасці, Віктар Шукеловіч і Марыя Пушкіна – перакладчыкі, Марына Казлоўская – рэдактарка беларускага перакладу трылогіі. Спецыяльны госць – Лявон Вольскі.
10 лютага, нядзеля, 11: 00-12: 00
Прэзентацыя фантастычнай аповесці “МАГІЧНАЕ ДРЭВА. ЧЫРВОНАЕ КРЭСЛА” Анджэя Малешкі, дзе распавядаецца пра траіх дзяцей, якія знайшлі крэсла, здольнае выконваць жаданні. Прэзентацыю вядзе перакладчыца Марына Шода. Удзельнікаў прэзентацыі чакаюць конкурсы з прызамі!
Падрабязная інфармацыя на сайце Польскага Інстытута і на старонках у сацсетках:
www.instpol.by
www.facebook.com/instytutpolski.wminsku
www.vk.com/instytut_polski_w_minsku
