Прэзентацыя кнігі «Прыгоды Дзядзі Віці на Валадарцы» Алега Груздзіловіча ў Вільні
Пачатак: 27.09 (19:00)Канец: 27.09 (22:00)
Гасцёўня Беларускай Рады культуры
Міжнародны саюз беларускіх пісьменнікаў і Фонд Kamunikat.org запрашаюць 27 верасня на прэзентацыю кнігі «Прыгоды Дзядзі Віці на Валадарцы» журналіста Алега Груздзіловіча, былога палітвязня, які быў асуджаны на 1,5 года зняволення.
Дата: 27 верасня
Час: 19:00 (час мясцовы)
Месца: Вільня, Гасцёўня Беларускай Рады культуры (šv. Ignoto 5-104)
Аўтар «Прыгодаў» Алег Груздзіловіч і аўтарка прадмовы Вольга Вялічка з радасцю адкажуць на ўсе пытанні. А ў продажы будзе шмат кніг беларускіх выдавецтваў.
Алег Груздзіловіч адбываў пакаранне ў менскім СІЗА на вуліцы Валадарскага і ў калоніі пад Магілёвам. Вершы і малюнкі пра арыштанта «дзядзю Віцю», што ўвайшлі ў гэтую кнігу, журналіст напісаў і намаляваў на Валадарцы для ўнукаў Евы, Сафіі, Кастуся, Аляўціны ды Анатоля, але адтуль частка лістоў не дайшла на волю праз цэнзуру. Пашанцавала з аказіяй перадаць «Прыгоды дзядзі Віці» з магілёўскага СІЗА. Пазней у калоніі ўсе лісты і рукапісы аўтара былі зьнішчаныя. Кнігу выдаў фонд «Камунікат».
