Як выглядаў бы свет, у якім чалавецтва пайшло б па шляху развіцця паравых машын, а не лічбавых тэхналогій? Створаны ў стылістыцы сцімпанка, гэты прывабны ўяўны свет мае мноства прыхільнікаў у розных краінах. У гэтым кірунку развіваюцца і жывапіс, і мода, і фота, і літаратура, і музыка.
Беларуская сцімпанк-супольнасць (https://www.facebook.com/steampunkby,www.steampunker.by) заявіла пра сябе зусім нядаўна — першае мерапрыемства прайшло 25 красавіка 2013-га. Але сцімпанк ужо стаў з’явай! Многім запомніўся канцэптуальна-вясёлы «Сцімпанк-трамвай», які праехаў па мінскіх вуліцах, незвычайныя пасажыры якога акунуліся ў атмасферу віктарыянскай эпохі ў тэхна-антуражы. Будзь тое вулічны выступ, клубная вечарынка або сцімпанк-баль — кожная імпрэза сцімпанкераў — гэта ўнікальнае тэатралізаванае шоў.
11 снежня (серада) у мінскім «TNT Rock Club» (вул. Рэвалюцыйная, 9 ) адбудзецца Сцімпанк-вечарынка, у якой аб’яднаюцца аматары рок-музыкі 21 стагоддзя і рамантыкі стагоддзя 19-га, каб пачуць запальныя гітарныя сола і ўспомніць высакародныя рытмы даўніх танцаў — сцімпанк прыцягвае сваёй разнастайнасцю, ён па-за канкурэнцыяй і па-за часам!
У праграме:
Музыка —
Вольга Акуліч і гурт “ВЕРАСЕНЬ” (рок, блюз-рок),
Дзяніс Балахонаў і BIG DADDY BLUES BAND (заліхвацкі блюз);
Анімацыйны калектыў Ліга «Маланка» (Гродна);
Майстар-клас па танцах Віктарыянскай эпохі (19 стагоддзя);
А таксама інтэрактыўныя гульні і прыемныя сюрпрызы ад арганізатараў.
Пачатак у 20.00. Уваход вольны
Інфалінія: +375 29 655-55-55, +375 17 203-69-67
Прэс-служба ГА “Саюз беларускіх пісьменнікаў”
