У нядзелю, 17 лістапада, суполка «Возера рапух» ладзіць у Варшаве шабаш дрэнных мігрант:ак.
Дата: 17 лістапада
Час: 13.00 (час мясцовы)
Месца: Free Belarus Center, Mokotowska 24, Варшава
Добр:ая мігрант:ка ні на што не скардзіцца і за ўсё выказвае падзяку! Але гэтым раз збіраюць самых дрэнных мігрант:ак Варшавы на сустрэчу ўзаемападтрымкі, каб пагутарыць пра досвед міграцыі без асуджэння і неабходнасці прыхоўваць нашы пачуцці!
Шабаш — гэта прастора, дзе можна распавесці пра свой мігранцкі досвед, атрымаць падтрымку адно ад аднога ў сяброўскім коле і паслухаць, як жывецца іншым.
На мерапрыемстве з дапамогай фасілітатар:кі абмяркуюць, як жывецца, знойдуць тэхнікі падтрымкі сабе ў эміграцыі і абмяняюцца лайфхакамі.
Гэта не тэрапеўтычная ці псіхалагічная сустрэча.
Яе мэта — пазнаёміць людзей, якія зараз жывуць у Варшаве, і стварыць прастору для камфортнага абмеркавання розных бакоў мігранцкага жыцця.
Вы можаце камунікаваць на любой мове, інструкцыі на мерапрыемстве будуць беларускай і рускай мовамі.
Удзел бясплатны.
Рэгіструйцеся па спасылцы.
