Шведская пісьменніца Эва Суса прэзентуе кнігу для дзяцей
Пачатак: 14.10 (12:00)Канец: 14.10 (14:00)
Цэнтральная дзіцячая бібліятэка імя Мікалая Астроўскага
13 і 14 кастрычніка Эва Суса выступіць у Мінску з прэзентацыямі кнігі “Снежны чалавек”.
Эва Суса (Eva Susso) — аўтар некалькіх шырока вядомых у Швецыі серый кніг для дзяцей і падлеткаў. Нарадзілася ў 1956 годзе ў Гётэборгу. Першую кнігу для дзяцей выдала ў 1995 годзе. Нядаўна новая кніга Эвы Суса “Снежны чалавек” выйшла па-беларуску ў перакладзе Алесі Башарымавай. Выданне стала першым у дзіцячай серыі “Каляровы ровар”, заснаванай ГА “Саюз беларускіх пісьменнікаў”.
Гэтая кніга — простая і мілая гісторыя сяброўства двух братоў Уна і Макса са снежным чалавекам аздоблена мастаком Бэнджамэнам Шо — адным з самых папулярных ілюстратараў дзіцячых кніг у Францыі.
13 кастрычніка (нядзеля) Эва Суса сустрэнецца з маленькімі чытачамі і іх бацькамі ў дзіцячай бібліятэцы № 6 імя Васіля Віткі (К. Лібкнехта, 98). Пачатак сустрэчы ў 12.00. Вядучая імпрэзы — беларуская пісьменніца, казачніца, аўтарка некалькіх кніг для дзяцей Алена Масла.
У панядзелак, 14 кастрычніка, у 12.00 адбудзецца прэзентацыя “Снежнага чалавека” ў Цэнтральнай дзіцячай бібліятэцы імя Мікалая Астроўскага (пр-т газеты “Праўда”, 20; ст. м. Пятроўшчына). У сустрэчы возьмуць удзел аўтар кнігі Эва Суса, а таксама Алена Масла.
Уваход на абедзве імпрэзы вольны. Запрашаем!
Прэс-служба ГА “Саюз беларускіх пісьменнікаў”
