«сНежнае шоў Славы Палуніна»

З 27 сакавіка па 1 красавіка ў Мінску адбудуцца паказы «сНежнага шоў» – аднаго з самых незвычайных і найбольш запатрабаваных спектакляў свету. Яго аўтар – знаёмы мільёнам з дзяцінства клоўн Асісяй, ён жа Слава Палунін.

«Аднойчы я зразумеў, што хачу зрабіць спектакль, які вяртаў бы нас да нашых дзіцячых мрояў. Спектакль, які дапамог бы людзям, якія прыходзяць у  глядацкую залу, выпусціць з засценкаў даросласці хлопчыкаў і дзяўчынак, якімі яны былі калісьці», – узгадвае Палунін.

Яго мроя ўвасабілася ў «сНежным шоў». Неверагодныя клоўны, які паказваюць мініатуры і гуляюць з гледачамі. Снег, павуціна і велізарныя шары, якія з задавальненнем кідаюць дарослыя і дзеці. Але галоўнае – неверагоднае шчасце, якое перапаўняе вялікіх і малых гледачоў.

З моманту стварэння ў 1993 годзе «сНежнае шоў» аб’ездзіла з  аншлагамі практычна ўсю планету. Праект і яго аўтары адзначаны прэміямі ў Вялікабрытаніі, Францыі, Аўстраліі, ЗША, Мексіцы і іншых краінах. А ў Японіі «сНежнае шоў» настолькі любяць, што для яго будуюць сталую пляцоўку. У Мінск спектакль прыязджаў толькі аднойчы пяць год таму.

«Мы маем пастаянную канструкцыю шоў, але гэта кожны раз цалкам розныя спектаклі. Сёння – гэта трагедыя, заўтра – абсурд, а паслязаўтра – нежнасць і эпічнасць», – кажа Слава Палунін.

«сНежнае шоў Славы Палуніна»

З 27 сакавіка да 1 красавіка 2018 года

Мінск – Цэнтральны дом афіцэраў

27, 28, 29, 30 сакавіка – у 19:00

31 сакавіка – у 15:00 ды 19:00

1 красавіка – у 14:00 ды 18:00

Наведванне вячэрніх спектакляў (пачатакпасля 19:00) дзецям да 8 год не рэкамендаванае.

Квіткі: ад 50 да 200 рублёў

Продаж: на сайце і ў касах Kvitki.by

Замова квіткоў па тэлефоне: (044) 5 947 947