Напрыканцы тыдня, 13, 14 і 15 студзеня, варшаўскі Новы тэатр грае спектакль «1,8 м» драматурга і рэжысёра Івана Вырыпаева. Прысвечаны ён беларускім палітвязням.
Дата: 13, 14 і 15 студзеня
Час: 19.00 (час мясцовы)
Месца: Nowy Teatr, ul. Madalińskiego 10/16, Варшава
1,8 м — менавіта столькі плошчы даводзіцца на аднаго зняволенага ў беларускіх турмах.
Спектакль заснаваны на тэкстах, якія палітвязні агучвалі ў судах і пісалі ў лістах родным.
Як цяпер жывуць людзі, якія сядзелі ў турме за выказванне свайго меркавання? Як атрымалася, што пасярод Эўропы парушаецца закон?
Спектакль граюць беларускія ды польскія акцёры на польскай, беларускай, расейскай мовах.
Квіткі коштам 65 злотых поўны і 45 злотых ільготны можна набыць па спасылцы.
