У суботу, 28 верасня, у Баўцэне ў межах фэста «МWillkommen Anderswo VI. IN EINEM BOOT» пакажуць спектакль «Да дому наўпрост 10 гадзін язды» ад тэатра «Без назвы».
Дата: 28 верасня
Час: 17.30 (час мясцовы)
Месца: Burgtheater (малая зала), Ortenburg 7, Баўцэн
Гэта мак’юментарная гісторыя трох дзяўчын-імігрантак, якія выпадкова сустракаюцца на пляжы ў Гданьску.
Яны дамаўляюцца аб сустрэчах каля мора і дзеляцца сваім досведам і пацешнымі гісторыямі пра пераезд: моўных бар’ерах і падарожжах, спробах пазнаёміцца і асімілявацца, пошуках адказу на пытанне «што такое дом», пошуках раёнаў горада, падобных на іх родныя гарады, і шмат чым іншым.
Аднак пры спробе пабудаваць новае жыццё на плячах усё яшчэ вісіць «заплечнік ранейшага жыцця», які даволі цяжка скінуць.
Ролі выконваюць Ірына Купчанка, Елізавета Мілінцэвіч, Жэня Давідзенка
Музыка — Жэня Давідзенка
Рэжысёрка — Жэня Давідзенка
Па паказе будзе дыскусія.
