У суботу, 25 красавіка, у Музеі Вольнай Беларусі адбудзецца прэм’ера спектакліка для дзяцей і дарослых ад 5 да 105 гадоў «Самае лепшае месца на свеце».
Будзе два паказы — у 12:00 і 15:00.
Разам з героямі спектакля вы рушыце проста ў самае сэрца палескіх балот — месца дзіўнае, жывое і поўнае нечаканых сустрэч.
Тут, сярод шолаху травы і камарынага звону, увесь час нешта адбываецца!
То нехта праскочыць, то нешта плюхнецца, а то і новы сябар знойдзецца.
Гэта вясёлая і цёплая гісторыя пра сяброўства, давер і пра тое, як кожнаму хочацца знайсці сваё месца ў вялікім свеце. Пра тое, што невядомае — не заўсёды страшнае, а часта вельмі нават цікавае. Бо часам менавіта там, дзе ўсё выглядае дзіўна і незнаёма, можна адшукаць нешта вельмі сваё...і адкрыць для сябе цэлы сусвет.
Напрыканцы маленькіх гледачоў чакае творчая майстэрня.
Уваход — данат у 20 злотых.