У суботу, 21 снежня, Святлана Бень запрашае на камерны спектакль для ўсёй сям’і «Дзверцы ў сэрца».
Дата: 21 снежня
Час: 13.00 і 16.00 (час мясцовы)
Месца: Zuckerwattenkrawatten, Fromet-und-Moses-Mendelssohn-Platz 7, Берлін
Вас чакае калядная гісторыя, якая расказвае пра тое, як усё было насамрэч шмат-шмат гадоў таму.
Ці, можа, адбываецца прама тут і зараз?
Кардонныя фігуркі тэатра ценяў, вершы і музыка, марудлівы аповед.
Усе падзеі разгорнуцца прама ў асяродку Віфлеемскай зоркі, якую па традыцыі насілі ў гэты вечар, запальваючы ўсярэдзіне яе свечкі і агеньчыкі.
Гісторыю пакажа і раскажа Света Бень з музычнай падтрымкай Ліны Хэсэ.
Квіткі — 15 еўра.
Запісвайцеся праз мэйл zuckerwattenkrawatten@gmail.com (тэма ліста — «Дзверцы ў сэрца»).
