Як у суботу, 16 верасня, стоміцеся ад імпрэз на Дзень горада, то завітвайце ў філіял Веткаўскага музея на супольныя спеўкі — паспяваць разам беларускія песні, адчуць моц свайго голасу ды атрымаць асалоду ад сутворчасці з аднадумцамі.
Дата: 16 верасня
Час: 13.00
Месца: філіял Веткаўскага музея, плошча Леніна, 4а, Гомель
У апошні дзень верасня музей зладзіць абрадавую этна-вечарыну "Жаніцьба коміна", а ў суботу пачнуць рыхтавацца да імпрэзы і развучваць тэматычныя абрадавыя песні.
На такіх занятках няма гледачоў — усе ўдзельнікі і спяваюць разам. Не важна, ці ўмееце вы спяваць, ці ведаеце песні. Проста прыходзьце і далучайцеся да супольнага спеву!
Уваход на спеўкі вольны!
