27 траўня філіял Веткаўскага музея ў Гомелі ладзіць традыцыйную пятнічную сустрэчу з цікавымі гасцямі. Гэтым разам — з валанцёрамі Асацыяцыі дзяцей і моладзі «АСДЕМО», а таксама з яе кіраўніком Уладзімірам Коўзелевым.
Дата: 27 траўня
Час: 18.00
Месца: філіял Веткаўскага музея, плошча Леніна, 4а, Гомель
Адна з задач АСДЕМО — пашырэнне экалагічных ведаў ды захаванне навакольнага асяроддзя. Госці распавядуць пра стан крыніц у рэгіёне Пасожжа-Падняпроўе, дадуць парады: адкуль можна браць ваду, а адкуль не варта, падзеляцца досведам па добраўпарадкаванні крыніц, зладзяць візуальнае падарожжа па крыніцах Чачэрскай зямлі — аднаго з самых крынічных рэгіёнаў Гомельскай вобласці.
Кошт удзелу — 2 рублі.
