У чацвер, 6 красавіка, Света Бень і Галя Чыкіс прыбываюць ва Уроцлаў з канцэртам і прэзентуюць свой першы сумесны альбом «Прыём!»
Дата: 6 красавіка
Час: дзверы — 19.00, пачатак — 20.00 (час мясцовы)
Месца: Stary Klasztor (Sala Witrażowa), J. E. Purkyniego 1, Уроцлаў
Прыходзьце сёрфіць ды паглыбляцца ў хвалі эмоцый — ад безнадзейна адчаю да нястрымнай надзеі.
Калі ў іх песнях і ёсць лірычны герой, то ў ім наогул няма нічога гераічнага. Ён збянтэжаны. Ён ужо нічога не ведае пра гэты свет акрамя аднаго нязменнага факта: калі адзін чалавек трымае іншага за руку, размаўляе з ім як з сабою, дзеліцца з ім усім, што мае, — гэта значыць, што ўсё не так безнадзейна.
Квіткі — 80 злотых на ўваходзе гатоўкай. А дзеткам да 12 гадоў — уваход вольны!
Замаўляйце сабе мейсцайкі па спасылцы.
