Свята «Грамадой вясёлай ідуць вучні з школаў!» у Мінску
02.09.2024
12:00 - 17:00
музей Якуба Коласа (вул. Акадэмічная, 5)
па запыце
У панядзелак, 2 верасня, у музеі Якуба Коласа — свята «Грамадой вясёлай ідуць вучні з школаў!».
Дата: 2 верасня
Час: з 12.00 да 17.00
Месца: музей Якуба Коласа, вул. Акадэмічная, 5, Мінск
Вось якая будзе праграма:
12.00 — 13.00
«Вось што, дзеткі, мае краскі...»: экскурсія па мемарыяльнай частцы музея і прагляд тэатралізаванага прадстаўлення па беларускіх народных казках у апрацоўцы Якуба Коласа (для 1-4 класаў, уваходны квіток — 3,50руб./чал., экскурсійнае абслугоўванне — 8 руб./група);
«Я — міністр грыбной гаспадаркі»: займальная гульня, дзякуючы якой вучні папаўняюць веды па грыбны свеце беларускіх лясоў, а таксама пашыраюць кругагляд, даведваюцца чаму Якуб Колас лічыў сябе міністрам грыбной гаспадаркі (для 1-5 класаў, уваходны квіток — 5,0руб./чал.);
13.00 — 14.00
«А вось як будзеце вучыцца, то можна сэнсу і дабіцца»: дзеці стануць вучнямі школ 19 стагоддзя (для 1-4 класаў, уваходны квіток — 5,0руб./чал.);
«Глуха шэпча лес зялёны...»: даведаецеся шмат новага і цікавага пра птушак і звяроў, што жывуць у беларускіх лясах (для 1-5 класаў, уваходны квіток — 5,0руб./чал.);
14.00 — 15.00
«Пішу як Колас»: пазнаёміцеся з цікавымі фактамі з гісторыі пісання і друкавальнай машынкі ды авалодаеце каліграфічным пісаннем пяром (для 1-5 класаў, уваходны квіток — 5,0руб./чал.);
15.00 — 16.00
«Гэта — наша насценгазета!»: пазнаёміцеся з гісторыяй насценгазеты ды прымеце ўдзел у калектыўным выпуску насценгазеты (для 3-7 класаў, уваходны квіток — 5,0руб./чал.);
14.00 — 16.00
Квэст «Таямніцы дома Песняра»: адказваючы на пытанні, пазнаёміцеся з экспазіцыяй музея, цікавымі фактамі з жыцця Якуба Коласа.
Правільныя адказы ўдзельнікі запісваюць у крыжаванку, дзе напрыканцы квэста павінна атрымацца слова-ключ (для 6-11 класаў, уваходны квіток — 5,0руб./чал.).
На асобныя заняткі і экскурсіі ці наўпрост на ўсе падзеі фэста запісвайцеся па нумары 8(017) 270-17-02.
