19 і 20 жніўня ў вёсцы Неглюбка, што пад Веткай, адбудзецца свята неглюбскага ткацтва. Ладзіць яго ў межах Летніка традыцыйнага неглюбскага ткацтва «Кросенцы» Веткаўскі музей.
Дата: 19 і 20 жніўня
Час: з 11.00
Месца: Неглюбскі сельскі цэнтр ткацтва, в. Неглюбка, Веткаўскі раён, Гомельская вобл.
На свята запрашаюць усіх ахвотных!
Вось якая насычаная праграма:
19 жніўня:
8:00 — наведванне святочнай службы на «Спаса» ў Мікольскай царкве, асвячэнне яблыкаў і мёда;
11:00 — фотасесія ў неглюбскіх строях;
14:00 — абраканне ля крыніцы і святочны абед;
15:00 — лекцыя-практыкум «Неба і зямля ў неглюбскім строі» ад Галіны Нячаевай;
17:00 — лекцыя-практыкум «Вялікая крывуля...» ад Галіны Нячаевай;
20:00 — вячэра і танцавальная вечарына ад «Школкі бытавога танца» і гарманіста Віктара Шыпкова.
Кошт удзелу 19 жніўня — 20 рублёў.
20 жніўня:
А 12-й распачнецца Фестываль Неглюбскага ткацтва «Кросенцы»:
інтэрактыўныя пляцоўкі і фотазона;
выставы майстроў народна-мастацкіх промыслаў Веткаўскага раёна;
выступы ўдзельнікаў мастацкай самадзейнасці калектываў Веткаўскага раёна;
гандлёвыя пляцоўкі.
Удзел 20 жніўня — бясплатны!
Важна: калі вы збіраецеся прыехаць 19 жніўня і застацца ў Неглюбцы да наступнага дня — абавязкова папярэдзьце пра гэта ў каментарах пад абвесткай у фэйсбуку, каб для вас арганізавалі начоўку.
