3 верасня 2017 года
з 13:00 да 15:00
Свята званоў «Строчыцкія перазвоны» накіравана на адраджэнне ў будучыні ўнікальнай з’явы – храмавай звонавай музыкі. Госці мерапрыемства стануць слухачамі рэдкай акустычнай з’явы ў дзіўнай па прыгажосці і гармоніі прасторы. Музей ідэальна падыходзіць для гучання званоў, бо з’яўляецца ўнікальным месцам засяроджвання народнага дойлідства. Прычына ў рэзанансе драўляных пабудоў, абшары і краявідах.
Арганізатар канцэрту звонавай музыкі – дырэктар Мінскай школы званароў Багдан Бярозкін.
У праграме мерапрыемства:
- Канцэрт пры ўдзеле творчых калектываў Мінскага дзяржаўнага каледжа мастацтваў і ансамбля Братэрства званароў;
- Урачыстае богаслужэнне ад святара ў капліцы з в. Каралеўцы;
- Выстава званочкаў;
- Дзіўныя гісторыі пра дынастыі беларускіх майстроў-ліцейшчыкаў;
- Інтэрактыўная пляцоўка для дзяцей.
Кожны, хто жадае, зможа паспрабаваць сябе ў ролі званара!
За дататковую плату можна:
- набыць сувеніры ад народных майстроў;
- наведаць «Беларускую карчму», якая знаходзіцца на тэрыторыі музея.
Кошт квіткоў:
- для дарослых – 8.00 руб.;
- для школьнікаў – 4.00 руб.;
- для дзяцей дашкольнага ўзросту – бясплатна.
Экспазіцыя музея працуе з 11:00 да 19:00. Каса працуе з 11:00 да 18:30.
Паважаныя наведвальнікі!
- Калі ласка, клапаціцеся пра абутак і вопратку згодна з умовамі надвор’я.
- Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
Як нас знайсці?
http://by.etna.by/museum/driving-directions.html
