“Еўрапейскае кафэ:адкрытыя лекцыі пра сучаснае мастацтва”
17 лістапада, субота, 15-00
Кавярня “Зерне” (пр-т Незалежнасці, 46)
У кантэксце беларускага тэатральнага поля творчасць беларускага драматурга Мікалая Рудкоўскага можна смеланазваць паспяховай. Большасць ягоных п’есаў былі прадстаўленыя ў форме сцэнічных чытак на шматлікіх фэстах, у тым ліку і за мяжой. А асобныя п’есы – “Жанчыны Бергмана”, “Інфляцыя пачуццяў”, “Дажыць да прэм’еры” –пастаўлены ў беларускім тэатры. Мікалай Рудкоўскі ўладальнік шматлікіх узнагарод, ягоныя п’есы былі перакладзеныяі надрукаваныя ў розных замежных выданнях.
Але апроч высокіх адзнак экспертаў п’есы Рудкоўскага не адзін раз станавіліся чыннікам спрэчак і нават скандалаў, у першую чаргу, у расейскай тэатральнай прасторы. Так, за п’есу “Бог козыту” яго абвінавацілі ў касмапалітызме, блюзнерстве, прапагандзе агіднасці, а чытка “Дажыць да прэм’еры” ў межах Міжнароднага конкурсу “Бадэнвайлер” уМаскве была забароненая Саюзам тэатральных дзеячаў Расіі – “за аўтарскі погляд на падзеі Вялікай айчыннайвайны”.
Якія табуяваныя для постсавецкага грамадства тэмы закранае Мікалай Рудкоўскі і ў чым асаблівасці ягонага “аўтарскага погляду”? На прыкладзе трылогіі “Сляпая зорка”, “Жанчыны Бергмана”, “Бог козыту”, а таксама п’есаў “Дажыць да прэм’еры” і “Перасяленне вырадкаў” Таццяна Арцімовіч распавядзе пра асаблівасці творчага метадудраматурга.
Пра лектара
Таццяна Арцімовіч – тэатральны рэжысёр, арт-крытык. Публікацыі ў часопісах pARTisan, web-парталах “Новая Эўропа”, photoscope.by, ArtAktivist (Беларусь), “Сучасная драматургія”, “Пецярбургскі тэатральны часопіс”, “Экран ісцэна” (Расія).
Уваход вольны!
