Таварыства мёртвых паэтаў з Андрэем Хадановічам. Вечар другі
10.03.2016
19:00 - 21:00
Літаратурны музей Петруся Броўкі (вул. Карла Маркса, 30 кв. №4)
15 000 руб.
Літаратурны музей Петруся Броўкі і грамадская кампанія “Будзьма беларусамі” запрашаюць на публічныя лекцыі паэта і перакладчыка Андрэя Хадановіча, які прапануе ўсім, хто не спалохаецца, пяць літаратурных вандровак у таварыстве мёртвых (вядома ж, здольных яшчэ як ажываць!) аўтараў.
Літаратар пазнаёміць слухачоў са сваімі ўлюбёнымі французскімі і польскімі паэтамі, пагаворыць пра найважнейшых для сябе беларускіх лірыкаў, спыніцца на праблемах мастацкага перакладу паэзіі – і нават тэкстаў песень.
У межах сустрэчаў – развагі, інтэрпрэтацыі, вершы ў арыгінале і беларускіх перакладах, спевы, інтэрактыўныя віктарыны з прызамі ад грамадскай кампаніі “Будзьма беларусамі”!
Вечар другі
10 сакавіка 19.00
ДВА АРФЕІ: ПАРАЎНАЛЬНАЕ АБАГАЎЛЕННЕ
(Гіём Апалінэр і Канстанты Ільдэфанс Галчыньскі)
- “Сямю шпагамі меланхоліі…”: дзіцячыя хваробы дэкадансу.
- “Песні (не)шчаслівага ў каханні”. Мост як любоўны топас.
- (М)узы Гіменея: эпіталамы з сіропам і без.
- “Зона” – тэрыторыя авангарду. Лірычны эпас Галчыньскага.
- Буало: перазагрузка. Сімультанізм. Урбаністыка. Гратэск.
- “Ёсць хутчэй быў палонны…”. Паэт і вайна.
- Тэатр аднаго (і яшчэ аднаго) сюррэаліста.
- “Колькі нонсэнсу ў паэзіі й колькі паэзіі ў нонсэнсе?”
- “…Зайздросціць росту цыркача”: паэты ў беларускіх перакладах.
Спецыяльная госця – Марыя Пушкіна.
Наступныя лекцыі пройдуць 17, 24 і 31 сакавіка ў 19.00.
Уваход у музей 15 000 руб.
Месца правядзення: Літаратурны музей Петруся Броўкі (вул. Карла Маркса, 30 кв. №4)
Кантактная інфармацыя: (017) 327-27-50.
