Таварыства мёртвых паэтаў з Андрэем Хадановічам. Вечар трэці

Літаратурны музей Петруся Броўкі і грамадская кампанія “Будзьма беларусамі” запрашаюць на публічныя лекцыі паэта і перакладчыка Андрэя Хадановіча, які прапануе ўсім, хто не спалохаецца, пяць літаратурных вандровак у таварыстве мёртвых (вядома ж, здольных яшчэ як ажываць!) аўтараў.

Літаратар пазнаёміць слухачоў са сваімі ўлюбёнымі французскімі і польскімі паэтамі, пагаворыць пра найважнейшых для сябе беларускіх лірыкаў, спыніцца на праблемах мастацкага перакладу паэзіі – і нават тэкстаў песень.

У межах сустрэчаў – развагі, інтэрпрэтацыі, вершы ў арыгінале і беларускіх перакладах, спевы, інтэрактыўныя віктарыны з прызамі ад грамадскай кампаніі “Будзьма беларусамі”!

Вечар трэці

17 сакавіка 19.00

“Рэканструкцыя паэта”: Мілаш, Шымборска, Герберт

• “Бедны хрысціянін глядзіць на гета”. Паэзія пасля халакосту
• “Ворша – страшная станцыя…”. Уцекачы з утопіі
• “Мая родная мова”: апошняя тэрыторыя эмігранта
• “…пад нізкім небам чэрапа”: Пан Когіта, абсурд і спробы супраціву
• “Залёгка мы паверылі, што прыгажосць не ратуе”. Этычны й эстэтычны (нон)канфармізм
• “Кот у пустой кватэры”: “перамовы з мёртвымі”
• “Ідыятызм ідэальнасці”: (сама)іронія як стратэгія
• “Маленькая дзяўчынка сцягвае абрус”. Метафізіка простых рэчаў

Спецыяльная госця Марына Казлоўская

Наступныя лекцыі пройдуць 24 і 31 сакавіка ў 19.00.

Уваход у музей 15 000 руб.

Месца правядзення: Літаратурны музей Петруся Броўкі (вул. Карла Маркса, 30 кв. №4)

Кантактная інфармацыя: (017) 327-27-50.