У аўторак, 7 сакавіка, у літаратурным музеі Петруся Броўкі — тэматычная экскурсія па выставе «Быццам абсыпана промнямі зор...».
Дата: 7 сакавіка
Час: 18.00
Месца: літаратурны музей Петруся Броўкі, вул. К. Маркса, 30, Мінск
Вы ж памятаеце, што гэта Пятрусь Броўка напісаў неўміручае «Пахне чабор»? Дык вось, экскурсія — нагода даведацца пра жанчын у ягоным жыцці. Нездарма паэт толькі і рабіў, што трапна падбіраў словы для апісання жанчын у сваёй лірыцы, — такія жанчыны яго абкружалі.
Прыходзьце ж напярэдадні 8 сакавіка нагадаць сабе, што паэзія жыве і чабор пахне. Броўка натхняе!
Вядоўца — Карына Бадылевіч.
Квіток — 10 рублёў. Запісвайцеся па спасылцы.
