У наступную суботу, 15 лістапада, у межах фестываля Voices Berlin адбудзецца перфоманс Веры Бурлак і Кастуся Жыбуля "The ABC of Exclamations".
The ABC of Exclamations – гэта мастацкая інтэрпрэтацыя беларускага алфавіту, зробленая паэткай Верай Бурлак і яе сынам Кастусём Жыбулем, які жыве з аўтызмам.
Разам яны знайшлі эмацыйны вокліч для кожнай літары алфавіту і ператварылі гэтыя воклічы ў гісторыі, злучыўшы ў іх фантастычныя коміксы Кастуся і мудрагелістыя і смешныя вершы Веры.
Аніматар са Штутгарта Моніка Нубер сумесна з Кастусём ажывіла яго коміксы, а кампазітар Георгія Кумара ўбудавала інтэрактыўную інсталяцыю ў 40-хвілінны гукавы наратыў.
Гэты перфоманс - разважанне аб эмоцыях і спосабах іх выказвання, аб традыцыях выхавання, аб зносінах прадстаўнікоў розных пакаленняў і аб сістэме каштоўнасцяў - як асабістай, так і грамадскай.
Квіткі коштам 15 еўра поўны, 9 еўра льготны бярыце па спасылцы.