Ток-шоу “Гарадскія прасторы Маладзечна: ці ёсць патэнцыял для развіцця?”
27.09.2018
18:30 - 18:30
RED BAR (вул. Валынца, 12Б)
Уваход вольны
Што такое гарадскія публічныя прасторы і як яны працуюць? Чым адметныя гарадскія прасторы Маладзечна? Як напоўніць звыклыя месцы ў горадзе незвычайнымі падзеямі? Як маладзечанцы могуць уключацца ў развіццё гарадскіх прастораў?
Кампанія “Будзьма беларусамі!” разам з Цэнтрам даследавання грамадскага кіравання “Сімпа” запрашае жыхароў Маладзечна па-новаму зірнуць на горад і гарадскія прасторы і разам падумаць аб тым, наколькі іншымі яны могуць быць, падчас адмысловага ток-шоу “Гарадскія прасторы Маладзечна: ці ёсць патэнцыял для развіцця?”
Сваімі развагамі і досведам падзеляцца:
Уладзімір Булаўскі — стваральнік культурніцкай прасторы “Vitebsk4me”, менеджар культуры, рэгіянальны каардынатар кампаніі “Будзьма беларусамі!” (Віцебск);
Валянціна Сідоркіна — сузаснавальніца адукацыйнага цэнтра “Адкрытая прастора”, сааўтарка праекта “Крэатыўная карта Маладзечна” (Маладзечна);
Андрэй Карпека — урбаніст, сузаснавальнік Мінскай урбаністычнай платформы (Мінск).
Хочацца новых цікавых рашэнняў для свайго горада — далучайцеся да абмеркавання! Размова адкрытая для ўсіх ахвочых без абмежаванняў па ўзросце і прафесіі.
27 верасня
18.30
RED BAR (Маладзечна, вул. Валынца, 12Б)
Уваход вольны.
Інфалінія: +375297121803, razam@budzma.org
Падзея ў Вконтакте і Facebook.
