“Ці мае межы грамадская актыўнасць!?”

31.03.2016 18:00 - 18:00 Тайм-клуб “13:87” (Бабруйск, вул. Савецкая 97-2.) Уваход вольны

Кампанія “Будзьма беларусамі!” запрашае да ўдзелу ў публічнай дыскусіі ў Бабруйску!

Быць актыўным і сапраўдным стваральнікам свайго жыцця, несці адказнасць за ўласны лёс важна для любога чалавека. І часта, сутыкаючыся са здавалася б непераадольнымі цяжкасцямі, мы нават не задумваемся, што многім людзям у нашым грамадстве даводзіцца нашмат складаней дасягаць сваіх мэтаў і мараў.

Дык што такое грамадская актыўнасць і навошта яна? Як грамадству навучыцца прымаць іншых людзей як роўных, узмацняючы высілкі адзін аднаго? Як успрымаць сябе ў соцыуме, калі ты “з абмежаванымі магчымасцямі”, і чаму выраз “абмежаваныя магчымасці” састарэў? І дзе бабруйчане, у тым ліку з асаблівасцямі, могуць самарэалізоўвацца і знаходзіць адзін аднаго? Адказы на гэтыя ды многія іншыя пытанні кампанія “Будзьма беларусамі!” прапаноўвае пашукаць разам падчас дыскусіі!

31 сакавіка кампанія “Будзьма беларусамі!” запрашае натхніцца поспехам асаблівых людзей, паразважаць на гарачыя тэмы і знайсці аднадумцаў у Бубруйску!

Тайм-клуб “13:87” (Савецкая 97-2), 18.00.

Асаблівыя героі дыскусіі:

Ангеліна Уэльскаяпершая беларуская мадэль з ДЦП, ініцыятар праекта “Натхнёны табой”.

Аляксандр Аўдзевіч  – з Ліды да Балтыйскага мора на ручным ровары! Як перажыць сур’ёзную траўму і навошта ў Лідзе зала па рэабілітацыі калясачнікаў?Аўтар праекта “Не губляйся! Паспрабуй!”.

Таццяна Пукалаарганізатар урбаністычнай “Школы супергерояў” у Бабруйску і актывіст клуба “Міласэрнасць і здароўе” (пры Чырвоным крыжы).

УВАХОД ВОЛЬНЫ!

Даведкі: (029) 31993 09, Юрый Стукалаў, каардынатар кампаніі “Будзьма беларусамі!” па Магілёўскім рэгіёне

jstukalov@gmail.com, razam@budzma.org


Вам можа быць цікава

Выстава Цемры «Fragile» ў Познані

28.03.2025 17:30 - 14.06.2025 19:00 MAD Art Gallery (Mielżyńskiego 27/29)

Выстава Паўла Камарца «Іншае жыццё дрэва» ў Гродне

17.04.2025 16:00 - 12.05.2025 19:00 Цэнтр раместваў «Спадчына» (вул. Рэйманта, 12)

Выстава Сяргея Арышчанкі і Алены Ліпінскай «Зрух» у Мінску

17.04.2025 19:00 - 18.05.2025 19:00 галерэя ДК (вул. Герцэна, 2а)

Выстава Іллі Гічана «53/27» у Мінску

03.05.2025 18:00 - 02.06.2025 19:00 галерэя «Арт Фабрыка» (вул. Свярдлова, 2)

Апошняе
на Budzma.org

чытаць яшчэ