У сераду, 10 чэрвеня, Цэнтр даследаванняў Усходняй Еўропы Варшаўскага ўніверсітэта і Цэнтр беларускай культуры ў Беластоку запрашаюць на творчую сустрэчу з даследчыкам Юркам Хмялеўскім.
Адпраўным пунктам размовы стане кніга «Wierszalin 2.0. Historia, którą należało napisać od nowa» («Вершалін 2.0. Гісторыя, якую трэба было напісаць нанова») — аповед пра памяць, гісторыю і яе сучасныя рэінтэрпрэтацыі.
Кніга стала важнай падзеяй для гісторыі Падляшша, бо прымушае па-новаму зірнуць на рэлігійныя і сацыяльныя рэаліі тагачаснага беларуска-польскага памежжа.
Сустрэчу правядуць Анэта Прымака-Онішк і Марыюш Машкевіч.
Падчас сустрэчы будзе магчымасць набыць кнігу і атрымаць аўтограф аўтара.
Уваход вольны. Рэгіструйцеся па спасылцы.