21 ліпеня суполка «Робім Гуд» ладзіць новы вебінар па урбаністыцы і запрашае далучацца.
Дата: 21 ліпеня
Час: 19.00 (час мінскі)
Месца: Zoom
Вы ведалі, што самая працяглая веладарожка Беларусі знаходзіцца ў Мінску і доўжыцца ажно 27 км? А тое, што грамадскія абмеркаванні працуюць і дапамагаюць гараджанам(кам) спыняць ці змяняць забудову?
У другой серыі «Urban talks» гаворка пойдзе пра плюсы і мінусы беларускай велаінфраструктуры ў параўнанні з іншымі краінамі. А таксама пра тое, як гараджане могуць уплываць на горадабудаўнічую палітыку, каб рабіць беларускія гарады камфортнымі.
Спікеры:
Максім Пучынскі, спецыяліст па развіцці веларуху ў Мінскім веласіпедным таварыстве.
Тэма: «Велаінфраструктура па-беларуску: усё як у людзей?».
Марына Дубіна, экаправаабаронца, прадстаўніца экалагічнай арганізацыі «Экадом».
Тэма: «Як грамадскія абмеркаванні дапамагалі гараджанам дабівацца адмены будаўніцтва і захавання зялёных зон? Тэорыя і практыка публічных абмеркаванняў у Беларусі».
Удзел бясплатны, але неабходная папярэдняя рэгістрацыя па спасылцы.
