Васіль Быкаў і яго двубой з Мефістофелем. Тэатралізаваная лекцыя ад Алены Баяравай і Васіля Дранько-Майсюка ў Дзюсельдорфе
Пачатак: 23.06 (14:00)Канец: 23.06 (17:30)
19 чэрвеня выбітны беларускі пісьменнік Васіль Быкаў адсвяткаваў бы сваё стагоддзе. Хоць пісьменніка з намі ўжо няма, яго ўнёсак і развіццё беларускай літаратуры і здабытак Беларуссю незалежнасці неўміручыя. Завітвайце на іпрэзу, прызначанаю да народзінаў Быкава.
Дата: 23 чэрвеня
Час: 14:00-17:30 (час мясцовы)
Месца: stadtFenster KAP1 Düsseldorf
Васіль Быкаў больш за ўсё на свеце цаніў свабоду, але на яго шляху было нямала спакус і выпрабаванняў, якія ставіў перад ім Мефістофель, прымушаючы паддацца, сагнуцца. Неаднаразова Васіль Быкаў знаходзіўся перад вельмі цяжкім выбарам. Як ён перамог свайго Мефісофеля, як здолеў не здрадзіць самому сабе, як вырваўся з абдымкаў савеццкасці і стаў адным з сімвалаў супраціву? Пра ўсё гэта ў новай інтэрактыўна-тэатралізаванай праграме, якую падрыхтавалі Васіль Дранько-Майсюк і Алена Баярава. Прагучаць малавядомыя дакументы з жыцця Быкава, невядомыя, але проста дзівосныя творы пісьменніка. Вы ўбачыце новага нечаканага Васіля Быкава.
Далучайцеся і рэгіструйцеся па спасылцы.
