У пятніцу, 1 лістапада, музей гісторыі беларускай літаратуры ладзіць традыцыйную танцавальную вечарыну «Ходзіць хата, ходзіць печ».
Дата: 1 лістапада
Час: з 19.00 да 22.00
Месца: музей гісторыі беларускай літаратуры, вул. Багдановіча, 13, Мінск
«Гуляць» традыцыйныя танцы, як гэта рабілі пакаленні нашых продкаў, музей прапануе разам з сябрамі са Студэнцкага Этнаграфічнага Таварыства.
Атмасферу сапраўднай беларускай вечарыны створаць музыкі-аматары.
Яны зайграюць Лявоніху, Кракавяк, Грачанікі, Вераб’я, Каханачку ды многія іншыя танцы, пра якія і сёння з агеньчыкам у вачах распавядаюць вясковыя старажылы. Не абыдзецца без полек, абэркаў і вальсоў.
Сярод традыцыйных музычных інструментаў — скрыпка, цымбалы, басэтля, дуда, гармонік, акардэон, бубен, барабан.
То прыходзьце танчыць!
Уваход — 10 рублёў.
