Вечарына памяці паэта Алеся Наўроцкага ў Мінску
Пачатак: 18.02 (18:00)Канец: 18.02 (19:30)
Музей гісторыі беларускай літаратуры
18 лютага музей гісторыі беларускай літаратуры ладзіць літаратурную вечарыну «Неба ўсміхаецца маланкаю» памяці паэта Алеся Наўроцкага.
Дата: 18 лютага
Час: 18.00
Месца: Музей гісторыі беларускай літаратуры, вул. Багдановіча, 13, Мінск
Удзельнікаў чакае лекцыя-размова з літаратуразнаўцам, даследчыкам, укладальнікам кнігі выбраных твораў Наўроцкага Віктарам Жыбулем. Таямніцы дзённікаў, гісторыі з жыцця, сакрэты вершаў — усё гэта ў расповядзе Віктара. А паэзія пераўтворыцца ў песню ў выкананні Міхала Бараноўскага.
Алесь Наўроцкі ўварваўся ў літаратуру 60-х гадоў з яркай паэзіяй. «Неба ўсміхаецца маланкаю» — яго першая кніга вершаў. Яна адразу стала рэзананснай для свайго часу літаратурнай з’явай. Незвычайны для беларускай літаратуры быў і сам аўтар: належачы да так званага «філалагічнага пакалення», быў па адукацыі медыкам. Гэта адлюстравалася і ў яго вершах, і ў прозе. Яго героі апранутыя ў медыцынскі халат і перажываюць тыя ж нягоды і радасці, што і ён сам, юнак-медык з Палесся.
Сёлета яму споўнілася б 85 гадоў. Завітвайце на вечарыну, каб адзначыць гэтую дату.
