Вішнёвы фэст у Глыбокім
22.07.2022 - 23.07.2022
14:00 - 18:00
цэнтральная плошча (Віцебская вобл.)
Бясплатнае
22 і 23 ліпеня ў Глыбокім ідзе Вішнёвы фэст, свята збору вішні.
Дата: 22 і 23 ліпеня
Час: з 14.00 22 ліпеня і з 10.00 23 ліпеня
Месца: цэнтральная плошча ды іншыя лакацыі, Глыбокае, Віцебская вобл.
Першы дзень, 22 ліпеня, завецца «#Вішня10».
У рэзідэнцыі Вішнёвай каралевы пройдзе сустрэча «У гасцях у Вішнёвай каралевы».
На дзіцячай пляцоўцы другі раз будзе арганізаваны адкрыты конкурс паветраных змеяў «Вішнёвы палёт».
У цэнтры традыцыйнай культуры і народнай творчасці адкрыецца выставы кітайскага мастака.
На цэнтральнай плошчы адбудуцца этна-вечарына «У вішнёвым садзе», творчая сустрэча з рамеснікамі, інтэлектуальна-прыгодніцкі гарадскі квэст «PRO-вішню», цырымонія ўрачыстага адкрыцця свята «#Вішня10» і шмат іншага.
23 ліпеня, у дзень з назвай «Вішнёвая жамчужына», пройдуць традыцыйныя мерапрыемствы:
урачыстае шэсце «У гасцях у Вішні»,
святочная праграма «Вішнёвая сталіца, сустракае гасцей!»,
выстава-прэзентацыя падворкаў,
конкурс-дэгустацыя «Варым разам вішнёвае варэнне»,
выстаўка «Вішнёвая мазаіка»,
пленэр і майстар-клас «Натхненне ў акварэлі»,
урачыстая рэгістрацыя шлюбу «Вішнёвае вяселле»,
конкурс гарманістаў, баяністаў ды акардэаністаў «Вішнёвыя найгрышы»
і канцэрт «Вішнёвая кветка сяброўства».
Уваход вольны. Завітвайце ў Глыбокае па вішню!
