24 красавіка музей народнай архітэктуры і побыту ў Азярцы пад Мінскам запрашае адсвяткаваць Вялікдзень па традыцыях нашых продкаў.
Дата: 24 красавіка
Час: 14.00
Месца: музей народнай архітэктуры і побыту, Азярцо, Мінскі раён
Вялікдзень — веснавое свята, карані якога вядуць у глыбокую старажытнасць. Раней з гэтага часу пачынаўся новы каляндарны год. Пазней царква прымеркавала да гэтага дня Уваскрасенне Хрыстова.
На свяце кожны зможа далучыцца да традыцыйнага святкавання Вялікадня, даведацца шмат цікавага і добра правесці час.
Вас чакае:
— майстар-клас па ўпрыгожванню яек у тэхніцы «драпанка»;
— майстар-клас па развучванню валачобных песень;
— майстар-клас па велікоднай выцінанцы;
— абрад абыхода двароў валачобнікамі;
— велікодныя гульні: «Біццё і катанне яек»;
— велікодныя варожбы;
— беларускія народныя гульні і танцы.
Завітвайце!
