У суботу, 21 кастрычніка, у філіяле Веткаўскага музея — Вясельная вечарына!
Дата: 21 кастрычніка
Час: 16.00
Месца: філіял Веткаўскага музея, пл. Леніна, 4а, Гомель
Тут зладзяць сапраўднае беларускае вяселле.
Традыцыйнае беларускае вяселле — гэта цэлы комплекс абрадавых дзеянняў, якія суправаджаліся спевамі.
Торг за нявесту, «дзяльба каравая», упрыгожванне елкі, вясельныя песні і танцы пад гармонік, вясельнае застолле... Дарэчы, пра застолле!
Па добрай традыцыі і каб увесь год быў шчаслівы — стол збіраюць у складчыну!
Прыносьце з сабой штосьці да святочнага стала: яешню, пірагі, бліны, печаны гарбуз, мёд, бульбу, каўбасу, сала, сыр, закруткі, цукеркі, печыва, любыя вашыя любімыя ласункі.
На вуліцы халодна, таму ўся вечарына і танцы адбудуцца ўнутры. І каб кожны пачуваўся ўтульна і ўсім хапала месца і на танцах, і за сталом, і на лаўцы, музей вымушаны абмежаваць колькасць гасцей — 30 чалавек!
Уваход — 7 рублёў. Просяць загадзя браць квіткі ў музеі ці замовіць месцы можна па нумары +375(232)509698 (з 9:30 да 18:00).
