Вечар вечных вершаў
Пачатак: 28.10 (19:00)Кафе-клуб «Грай»
28 кастрычніка «Арт Сядзіба» запрашае на імпрэзу «Вечар вечных вершаў», прысвечаную рэпрэсаваным у 30-я гады літаратарам. Імпрэза пройдзе ў прасторы «Грай», пачатак а 19.
Творы рэпрэсаваных дзеячаў беларускай культуры будуць чытаць Андрэй Хадановіч, Віктар Жыбуль, Уладзімір Лянкевіч, Мікіта Найдзёнаў, Дар’я Бялькевіч, Валярына Кустава, Янка Каліноўскі, Андрэй Адамовіч.
Таксама заспяваюць Уладзіслаў Лепяшынскі, Сяргей Башлыкевіч і гурт ZANZIBAR
УВАХОД ВОЛЬНЫ!
81 год таму, у ноч з 29 на 30 кастрычніка 1937 году, у сутарэннях мінскай унутранай турмы НКВД «амерыканкі», былі расстраляныя больш за 100 прадстаўнікоў інтэлектуальнай эліты БССР – літаратары, дзяржаўныя дзеячы і навукоўцы.
Дарэчы, на ulej.by ідзе кампанія па зборы грошай на ўнікальнае папяровае выданне пра рэпрэсаваных беларускіх літаратараў з абранымі творамі, дакументамі і фота, частка з якіх публікуецца ўпершыню. Дапамагчы: https://ulej.by/project?id=816622
