У чацвер, 15 жніўня, у галерэі ДК адкрываецца выстава «Краіна Оз».
Дата: 15 жніўня
Час: 19.00
Месца: галерэя ДК, вул. Герцэна, 2а, Мінск
Вы ўбачыце працы дарослых людзей, якія пастаянна пражываюць у псіханеўралагічным інтэрнаце. Іх асаблівасць дае ім магчымасць убачыць свет інакш.
Яны не маюць акадэмічнай адукацыі і малююць па загадзе сэрца.
Усе гэтыя мастакі з’яўляюцца прадстаўнікамі такога феномена ў мастацтве, як «Арт брют» — «грубае мастацтва», «мастацтва аўтсайдэраў».
Іх творчасць — даследаванне свайго ўнутранага свету, які і ёсць правобраз чагосьці большага, чым мы самі.
Куратары — Кацярына Кардончыкава, Кацярына Давыдава-Высоцке, Руслан Вашкевіч.
Уваход — па квітку ў галерэю.
