У чацвер, 4 ліпеня, у Варшаве адкрываецца выстава Надзі Саяпінай «Покуць».
Дата: 4 ліпеня
Час: 18.00 (час мясцовы)
Месца: Marszałkowska 18, Варшава
Праект «Pokuć» даследуе пошук беларускай ідэнтычнасці ў стане выгнання, міграцыі і каланізацыі.
Як гэтая з’ява адлюстроўваецца ў класічнай і сучаснай, элітарнай і традыцыйнай народнай культурах, як бясконцы пошук «беларускасці» становіцца рысай беларускага самавызначэння.
Цэнтральнае месца займае кут — візуальна-семантычны сімвал са шматграннымі сэнсамі.
Родны кут азначае радзіму, а покуць — святы кут хаты. Кут увасабляе памежнасць і супярэчнасці — месца малітваў і абрадаў, але і пакарання; месца бяспекі, але і безнадзейнасці і безвыходнасці.
Мастачка звяртаецца да даследавання беларускай літаратуры і народнай культурнай традыцыі, бярэ інтэрв’ю ў дзеячаў і дзяячак беларускай культуры ў выгнанні і стварае выказванне, прадстаўленае серыяй малюнкаў, арт-аб’ектамі і відэаперформансам.
Куратар — Артур Камароўскі.
Працуе выстава па 7 ліпеня.
