Выстава вінтажнай фатаграфіі «Непарадны партрэт» у Мінску

Даследчы праект «Археалогія беларускай фатаграфіі» і Мемарыяльны музей-майстэрня Заіра Азгура запрашаюць наведаць выставу вінтажнай фатаграфіі «Непарадны партрэт» з калекцыі галерэі візуальных мастацтваў NOVA.

Дата: з 6 па 30 красавіка

Месца: Мемарыяльны музей-майстэрня Заіра Азгура, вул. Азгура, 8, Мінск

Гэтая выстава фотапартрэтаў розных гадоў — спроба знайсці і вызначыць характэрныя асаблівасці ў такім папулярным жанры фатаграфіі як партрэт.

Ці ёсьць нейкія спэцыфічныя рысы, уласцівыя менавіта беларускаму фотапартрэту? У чым асаблівасці оптыкі беларускіх аўтараў, якія звярталіся да партрэтнага жанру ў канцы 1970-х і ў пачатку 2000-х гадоў, калі ламаліся стэрэатыпы «фотаклубнай» і «салоннай» фатаграфіі, калі на хвалі перабудовы і постперабудоўнага энтузіязму закладваліся асновы новага «суб’ектыва»?

На выставе прадстаўлена далёка не ўся паўната творчай лабараторыі «перабудоўнага» і «пост-перабудоўнага» перыяду. Тут няма работ многіх аўтараў, якія пакінулі свой заўважны след у беларускай фатаграфіі, уключаючы партрэтную. Але ўсё ж выстава «Непарадны партрэт» дае дастаткова разгорнутую панараму неканвенцыйных падыходаў да партрэта ў беларускай фатаграфіі.

Аўтар ідэі і куратар праекта — Уладзімір Парфянок.