21 кастрычніка ў музеі гісторыі Гарадніцы пачынае працаваць файная выстава выстаўка падвойных дываноў адной з вядомых у Беларусі ткачых Ядвігі Аўгустаўны Райскай (1913–2003 гг.) з вёскі Адэльск Гродзенскага раёна.
Дата: з 21 кастрычніка
Месца: музей гісторыі Гарадніцы, вул. Ажэшкі, 37, Гродна
Выстава прымеркавана да 110-годдзя ад нараджэння ткачыхі. Тут можна пабачыць падвойныя дываны, вытканыя ў 1939 г., 1940 г., 1950 г., 1965 г., 1971 г., 1986 г., якія захоўваюцца ў этнаграфічных зборах Гродзенскага гісторыка-археалагічнага музея.
Падвойнае ткацтва — гэта ўнікальная тэхніка традыцыйнага беларускага тэкстылю. Назва «падвойныя» вынікае з асаблівасцей ткацкай тэхналогіі, якая вядома са старажытных часоў.
Адметнасць падвойных дываноў — выкарыстанне толькі ваўняных нітак, двухколернай асновы і абсалютна ідэнтычны малюнак з абодвух бакоў вырабу.
