Мастацкая выстава Паўла Дарохіна “Дэкодэр цішыні”
Пачатак: 10.09 (18:30)Канец: 19.09 (09:29)
Літаратурны музей Максіма Багдановіча
Ліхтарняў свет у сіняй вышыне...
Вітрынамі зіяючыя крамы,
Кавярні, мора вывесак, як плямы,
Анонсы і плакаты на сцяне.
М. Багдановіч
У вершы Максіма Багдановіча «У Вільні» хораша прасочваецца атмасфера горада эпохі пачатку ХХ стагоддзя, дзе афішы і плакаты вісяць на сценах дамоў, што характарызуе тагачасныя адносіны да плакатнага мастацтва.
Выстава «Дэкодэр цішыні» атрымала назву паводле аднайменнага зборніка вершаў Паўла Дарохіна, які выйшаў у 2021 годзе.
На выставе будзе прадстаўлена 15 графічных лістоў, выкананых у лічбавым фармаце. Працы ствараліся на працягу 2012-2020 гг. На творчасць мастака паўплывалі японская гравюра, сярэднявечнае мастацтва і некаторыя мадэрнісцкія плыні пачатку ХХ стагоддзя, такія як dada, магічны рэалізм і «новая рэчыўнасць». Сюжэты ж звязаныя са снамі, дзіцячымі жахамі і падсвядомасцю. Разам з тым ім уласцівыя пэўная іранічнасць і гуллівасць, пошук глыбокіх плыняў у абсурдным віры жыцця.
Павел Андрэевіч Дарохін нарадзіўся ў Мінску ў 1986 г. Скончыў Мінскую гарадскую гімназію-каледж мастацтваў, Беларускі дзяржаўны універсітэт, аспірантуру Беларускай дзяржаўнай акадэміі мастацтваў. Кандыдат мастацтвазнаўства. З 2015 г. з’яўляецца сябрам Беларускага саюза дызайнераў. Займаецца ілюстрацыяй у галіне традыцыйнага і лічбавага мастацтва.
Дата: 24.08-19.09
Прэзентацыя выставы «Дэкодэр цішыні» адбудзецца 24 жніўня 2021 года ў 18.30.
Месца правядзення: Літаратурны музей Максіма Багдановіча, г. Мінск, вул. М. Багдановіча, 7а
Тэл.: (017) 355 22 95, (017) 363 07 61.
